Macapan yaiku dhapukaning basa mawa paugeran  (guru gatra,guru wilangan lan guru lagu) tinamtu lan anggone maca kudu dilagokake nganggo kagunan swara.

·         Guru gatra          : cacahing gatra  (ukara/larikan)  saben sapadha

·         Guru wilangan    : cacahing wanda saben gatra

·         Guru lagu           : unine aksara ing wanda pungkasan saben gatra

1.       Paugerane Tembang Macapat 

      Paugeran tembang macapat iku kebagi dening guru lagu, guru wilangan, lan guru gatra.

No	Asmaning Sekar	Guru Lagu lan Guru Wilangan
		I	II	III	IV	V	VI	VII	VIII	IX	X
1	Pocung	12u	6a	8i	12a
2	Maskumambang	12i	6a	8i	8a
3	Megatruh	12u	8i	8u	8i	8o
4	Gambuh	7u	10u	12i	8u	8o
5	Kinanthi	8u	8i	8a	8i	8a	8i
6	Mijil	10i	6o	10e	10i	6i	6u
7	Durma	12a	7i	6a	7a	8i	5a	7i
8	Asmaradana	8i	8a	8e/8i	8a	7a	8u	8u
9	Pangkur	8a	11i	8u	7a	12u	8a	8i
10	Sinom	8a	8i	8a	8i	7i	8u	7a	8i	12a
11	Dandhang Gula	10i	10a	8e/8i	7u	9i	7a	6u	8a	12i	7a

Contoh Tembang Pocung (12u – 6a – 8i – 12a)
Ngelmu iku kelakone kanthi laku
Lekase lawan kas
Tegese kas nyantosani
Setya budya pengekesing dur angkara

Contoh Tembang Maskumambang ( 12i – 6a – 8i – 8o )
Wong tan manut pitutur wong tuwa ugi
Ha nemu duraka
Ing donya tumekeng akhir
Tan wurung kasurang-surang

Contoh Tembang Megatruh (12u – 8i – 8u – 8i – 8o)
Kabeh iku mung manungsa kang pinujul
Marga duwe lahir batin
Jroning urip iku mau
Isi ati klawan budi
Iku pirantine ewong

Contoh Tembang Gambuh (7u – 10u – 12i – 8u – 8o)
Lan sembah sungkem ipun
Mring Hyang Sukma elinga sireku
Apan titah sadaya amung sadermi
Tan welangsira andhaku
Kabeh kagungan Hyang Manon

Contoh Tembang Mijil (10i – 6o – 10e – 10i – 6i – 6o)
Dedalanne guna lawan sekti
Kudu andhap asor
Wani ngalah dhuwur wekasane
Tumungkula yen dipundukanni
Ruruh sarwa wasis
Samubarangipun

Contoh Tembang Kinanthi (8u – 8i – 8a – 8i – 8a – 8i)
Kukusing dupa kumelun
Ngeningken tyas kang apekik
Kawengku sagung jajahan
Nanging saget angikipi
Sang resi kaneka putra
Kang anjog saking wiyati

Contoh Tembang Asmarandana (8i – 8a – 8e – 7a – 8a – 8u – 8a)
Lumrah tumrap wong ngaurip
Dumunung sadhengah papan
Tan ngrasa cukup butuhe
Ngenteni rejeki tiba
Lamun tanpa makarya
Sengara bisa kepthuk
Kang mangkono bundhelana

Contoh Tembang Durma (12a – 7i – 6a – 7a – 8i – 5a – 7i)
Ayo kanca gugur gunung bebarengan
Aja ana kang mangkir
Amrih kasembadan
Tujuan pembangunan
Pager apik dalan resik
Latar gumelar
Wisma asri kaeksi

Contoh Tembang Pangkur (8a – 11i – 8u – 7a – 8i – 5a – 7i)

Mingkar-mingkuring ukara, akarana karenan mardi siwi, sinawung resmining kidung, sinuba sinukarta, mrih kretarta pakartining ilmu luhung,kang tumrap ing tanah Jawa, agama ageming aji.

Cheap Offers: http://bit.ly/gadgets_cheap

 Mingkar-mingkuring ukara
(Membolak-balikkan kata)
Akarana karenan mardi siwi
(Karena hendak mendidik anak)
Sinawung resmining kidung
(Tersirat dalam indahnya tembang)
Sinuba sinukarta
(Dihias penuh warna )
Mrih kretarta pakartining ilmu luhung
(Agar menjiwai hakekat ilmu luhur)
Kang tumrap ing tanah Jawa
(Yang ada di tanah Jawa/nusantara)
Agama ageming aji.
(Agama “pakaian” diri)

Contoh Tembang Sinom (8a – 8i – 8a – 8i – 7i – 8u – 7a – 8i – 12a)
Punika serat kawula
Katura sira wong kuning
Sapisan salam pandonga
Kapindo takon pawarti
Jare sirarsa laki
Ingsun mung sewu jumurung
Amung ta wekasi wang
Gelang alit mungging driji
Lamun sida aja lali kalih kula

Contoh tembang dhandanggula (10i – 10a – 8e – 7u – 9i – 7a – 6u – 8a – 12i – 7a)
Sinengkuyung sagunging prawali
Janma tuhu sekti mandra guna
Wali sanga nggih arane
Dhihin Syeh Magrib tuhu
Sunan ngampel kang kaping kalih
Tri sunan bonang ika
Sunan giri catur
Syarifudin sunan drajat
Anglenggahi urutan gangsal sayekti
Iku ta warnanira

Mingkar-mingkuring ukara, akarana karenan mardi siwi, sinawung resmining kidung, sinuba sinukarta, mrih kretarta pakartining ilmu luhung,kang tumrap ing tanah Jawa, agama ageming aji.

Cheap Offers: http://bit.ly/gadgets_chea